وجدان الملازمين تكسر الصمت وترد على منتقدي رقصها: “أنا أصلاً بدأت كراقصة.. والما عاجبو ما يتابعني!”

وجدان الملازمين تكسر الصمت وترد على منتقدي رقصها: “أنا أصلاً بدأت كراقصة.. والما عاجبو ما يتابعني!”
بعد الضجة الكبيرة والجدل المنتشر في وسائل التواصل الاجتماعي بسبب الفيديو الأخير للفنانة وجدان الملازمين وهي بترقص مع شاب مصري، قررت وجدان تطلع عن صمتها وترد بكل صراحة ووضوح على كل الناس البتنتقد طريقة رقصها وحركتها في المسرح.
وجدان أوضحت للجميع إنو الرقص بالنسبة ليها ما حاجة طارئة ولا استعراض عابر، وقالت بالحرف: “أنا أصلاً بدأت مسيرتي بتعلم الناس الرقص وبدأت كراقصة قبل ما أكون مطربة، والرقيص دا جزء أصيل من شخصيتي وفني”. وأكدت إنها مستحيل تمسك المايك وتغني وهي واقفة من غير حركة، لأنو الكلمات والأنغام بتلمس وجدانها وبتحرك جواها طاقة التعبير والفرح.
وأضافت إنو “الرقيص” هو الحقيقة البتعبر عنها، وما مستعدة تتصنع أو تتغير عشان ترضي زول. ووجهت رسالة مباشرة وقوية لكل المنتقدين، وقالت إنها ما أجبرت زول على متابعتها، وكل زول عنده كامل الحرية في الاختيار؛ الما عاجبه أسلوبها يتفضل ينسحب، لأن دي شخصيتها الطبيعية البتحب الغناء والرقيص وعايشة بأسلوبها البتشبهوا.